დორტმუნდის “ბორუსიას” და “მანჩესტერ იუნაიტედის” ყოფილი ფეხბურთელი, შინჯი კაგავა ქართველი ნახევარმცველის ნიკა ნინუას თანაგუნდელი გახდა.
31 წლის იაპონელმა “პაოკთან” წელიწადნახევრიანი კონტრაქტი გააფორმა და ბერძნულ კლუბში 23-ნომრიან მაისურს მოირგებს.
კაგავა ბოლოს გიორგი პაპუნაშვილის ყოფილ კლუბ, “სარაგოსაში” ირიცხებოდა და ქართველ ფეხბურთელთან ერთად მოედანზე 5 მატჩში ითამაშა.
香川真司がここにいる。真司、PAOKファミリーへようこそ!
Shinji Kagawa is Here. Shinji welcome to PAOK family!#KagawaIsHere #PAOK #transfers #RiseUp @S_Kagawa0317 pic.twitter.com/itvrJW1AKs— PAOK FC (@PAOK_FC) January 27, 2021
კაგავას კარიერის განმავლობაში2-ჯერ ბუნდესლიგა, ერთხელ პრემიერლიგა, 2 გერმანიის თასი და თითო-თითო ინგლისისა და გერმანიის სუპერთასი მოუგია.
რაც შეეხება ახალგაზრდა ქართველ ფეხბურთელს, ის სალონიკურ კლუბს 2020 წლის ზაფხულში, “დინამო თბილისიდან” შეუერთდა და 6 მატჩში თითო-თითო გოლი და საგოლე გადაცემა ჩაიწერა აქტივში.