აშშ-ის ღია პირველობის მე-2 ეტაპზე ნიკოლოზ ბასილაშვილი (18) მსოფლიოს 394-ე ჩოგანს, ჯენსონ ბრუკსბის დაუპირისპირდა და 4 სეტში გაიმარჯვა – 3:6; 7:6; 7:5; 6:2
ქართველმა ჩოგბურთელმა 18 წლის ამერიკელთან საშინლად დაიწყო. ნიკოლოზმა პირველი სეტი 6:3 დათმო, მე-2 სეტში კი 4:0-ს მარცხდებოდა.
საბოლოოდ ბასილაშვილმა ბრუკსბის ზედიზედ 3 სეტი მოუგო და შემდეგ ეტაპზე თამაშის უფლება მოიპოვა.
სამწუხაროდ, ქართველ ჩოგბურთელს პრობლემები ჩაწოდებებზე ისევ ჰქონდა. ნიკოლოზმა 15 ორმაგი შეცდომა დაუშვა.
აშშ-ის ღია პირველობის 1/16 ეტაპზე ნიკოლოზ ბასილაშვილი გერმანელ, დომინიკ კოეპფერს (118) დაუპირისპირდება.
