დღეს, გამთენიისას, ავსტრალიის ღია პირველობის საკვალიფიკაციო ეტაპის პირველი შეხვედრა მარიამ ბოლქვაძემ გამართა.
ქართველი ჩოგბურთელის მეტოქე მსოფლიოს 141-ე ჩოგანი, კაროლინა დოლეჰაიდი გახლდათ. პერსპექტიულ ამერიკელთან მარიამი 2 სეტში – 3:6; 2:6 დამარცხდა. დაპირისპირება 1 საათსა და 9 წუთს გაგრძელდა.
მარიამ ბოლქვაძე კაროლინასთან თამაშში 4-ჯერ დაბრეიკდა. პირველ სეტში 22 წლის ქართველმა ერთი უკუბრეიკის შესრულება მოახერხა, თუმცა წინ გასვლა ვეღარ გავიდა.
აღსანიშნავია, რომ უნებლიე შეცდომების რაოდენობით (მარიამს 20, კაროლინას – 19) თითქმის თანაფარდობა იყო, თუმცა დოლეჰაიდმა თამაშში ბოლქვაძეზე 15-ით მეტი (11), 26 ვინერსი შეასრულა.
სწორედ ეს გახდა მარიამ ბოლქვაძის მარცხის მთავარი მიზეზი. ახალგაზრდა ჩოგბურთელი ამჟამად მსოფლიო რეიტინგის 164-ე ჩოგანია.
