ჩინეთში მიმდინარე ITF-ის ტურნირზე მარიამ ბოლქვაძემ დღეს მე-2 წრის შეხვედრა გამართა და გაიმარჯვა.
ქართველმა ჩოგბურთელმა ადგილობრივ ციუე სუნს საკმაოდ მარტივად, 2 სეტში – 6:2; 6:2 სძლია და მეოთხედფინალში გავიდა.
შეგახსენებთ, რომ პირველ რაუნდში მარიამმა ასევე ჩინელ ჩოგბურთელს, იუ იუანს ანალოგიური ანგარიშით მოუგო – 6:2; 6:2.
1/4 ფინალში ბოლქვაძე ხვალ ავსტრალიელ, არინა როდიონოვას (235) შეხვდება.
21 წლის მარიამ ბოლქვაძე მსოფლიო რეიტინგში ამჟამად 158-ე ჩოგანია.
