რამდენიმე წუთის წინ მაიამის მასტერსის ფინალური მატჩი დასრულდა.
გადამწყვეტ თამაშში როჯერ ფედერერი (5) ჯონ ისნერს (9) დაუპირისპირდა და მეტოქე 2 სეტში დაამარცხა – 6:1; 6:4.
აღსანიშნავია, რომ ამერიკელ ჩოგბურთელს ATP მაიამის წლევანდელ ტურნირზე აქამდე სეტიც კი არ ჰქონდა წაგებული, როჯერმა კი აშშ-ში მხოლოდ 1 სეტი დათმო.
ისნერისა და ფედერერის ორთაბრძოლა საათსა და 2 წუთს გაგრძელდა. ამერიკელმა თამაშში 9 ეისი შეასრულა და ფედერერს 3 ეისით აჯობა.
აღსანიშნავია, რომ ჯონს პირველ ჩაწოდებაზე 74%-იანი სიზუსტე ჰქონდა, ფედერერს კი 54%.
საბოლოო ჯამში, ლეგენდარულმა როჯერმა კარიერაში 101-ე ATP ტიტული მოიგო, მაიამის მასტერსს კი მეოთხედ დაეუფლა.
