10 თებერვლიდან სტარტს აიღებს ATP-ის 500-იანთა თანრიგის ტურნირი როტერდამში, რომელშიც მონაწილეობას მიიღებს ნიკოლოზ ბასილაშვილი.
ქართველი ჩოგბურთელის ბადე ნიდერლანდებში უკვე ცნობილია. მსოფლიოს 27-ე ჩოგანს პირველ წრეში ძლიერი მეტოქე შეხვდა. ნიკოლოზი რუს, ანდრეი რუბლევს დაუპირისპირდება, რომელიც ამჟამად, მე-15 პოზიციაზეა.
რუბლევსა და ბასილაშვილს ერთმანეთთან 3-ჯერ უთამაშიათ. ნიკოლოზმა ჯერ დოჰაში დაამარცხა ანდრეი, შემდეგ კი – ჰამბურგის ტურნირის ფინალში აჯობა. ერთადერთი გამარჯვება რუსმა ცინცინატის მასტერსზე მოიპოვა.
ქართველი ჩოგბურთელი რუბლევიდ დამარცხების შემთხვევაში, 1/8 ფინალში ალექსანდერ ბუბლიკსა და საკვალიფიკაციო ეტაპიდან, ძირითად ბადეში გადმოსულ ერთ-ერთ ჩოგბურთელს შორის გამარჯვებულს შეხვდება.
