კოპა ამერიკას ნახევარფინალში, ბრაზილიისა და არგენტინის მატჩი საკმაოდ სკანდალური გამოდგა.
“ალბისელესტეს” გულშემატკივარი და ფეხბურთელები მსაჯის ორმა გადაწყვეტილებამ გააღიზიანა.
შეგახსენებთ, რომ არგენტინელი ფეხბურთელები ბრაზილიელებმა 2-ჯერ საკამათოდ წააქციეს, თუმცა როდი სამბრანო ოლმედომ VAR არ გამოიყენა.
ვენესუელელმა არბიტრმა აღნიშნულ ეპიზოდებში პირველი კომენტარი გააკეთა.
“VAR-ის ოთახში გადახედეს ეპიზოდს და მიიჩნიეს, რომ პენალტი 50/50-ზე იყო. მათ მომენტის გადასამოწმებლად არ დამიძახეს.
“ორშაბათის ანგარიშში დავწერე, რომ VAR-ის არბიტრებს ჩემი ეკრანთან მოხმობა შეეძლოთ,” – თქვა ოლმედომ.
