მიმდინარე სეზონიდან, მატეო გენდუზი გერმანიის ბუნდესლიგაში ითამაშებს: ლონდონის “არსენალმა” ფრანგი ცენტრალური ნახევარმცველი ბერლინის “ჰერტაში” გაანათხოვრა.
21 წლის ფეხბურთელი ერთ-ერთი იმ მოთამაშეთაგანი გახლავთ, რომლის განათხოვრებაც “მეთოფეთა” ხელმძღვანელებმა ამ სეზონში მას მერე გადაწყვიტეს, რაც მიკელ არტეტასთან ურთიერთობა გაუფუჭდა.
გენდუზი გერმანიის დედაქალაქში 2021 წლის 30 ივნისამდე ითამაშებს. მის სატრანსფერო ღირებულებას Transfermarkt-ი 32 მილიონ ევროდ აფასებს.
The one you’ve all been waiting for ⏳
Welcome to the club, @MatteoGuendouzi! 🤩
The French midfielder signs for Hertha on a season-long loan from @Arsenal 🦕#DeadlineDay #HaHoHe pic.twitter.com/9NlcuR7aeV
— Hertha Berlin (@HerthaBSC_EN) October 5, 2020
გენდუზი “არსენალში” 2018 წელს, უნაი ემერის განკარგულებით, “ლორიენიდან“, 8 მილიონი ევროს სანაცვლოდ გადაბარგდა და 82 მატჩში 1 გოლის გატანა და 5 საგოლე გადაცემის გაკეთება მოახერხა.
ლონდონელებმა ფრანგი ფეხბურთელის განათხოვრებისთანავე, მადრიდის “ატლეტიკოდან” 45 მილიონ ევროდ ტომას პარტეი შეიძინეს და ამით ბოლო სატრანსფერო ფანჯრის რეკორდიც დაამყარეს.