მიმდინარე სეზონში “ბარსელონას” ქალთა გუნდი პრიმერა დივიზიონში ბრწყინვალედ ასპარეზობს.
“ბარსელონას” ქალთა გუნდმა მიმდინარე სეზონში 13 შეხვედრა ჩაატარა და უკლებლივ ყველა მოიგო, ამასთან, გუნდს გატანილი/გაშვებული ბურთების საოცარი შეფარდება აქვს – 73 გატანილი გოლი და მხოლოდ 3 გაშვებული.
დღეს გამართულ “ელ კლასიკოში” “ბარსელონას” ქალთა გუნდმა დამაჯერებელი გამარჯვება მოიპოვა და “რეალი” ანგარიშით 4:1 დაამარცხა.
კატალონიელები შეხვედრას 4:0 იგებდნენ, მაქსიმუმი რისი გაკეთებაც “რეალის” ქალთა გუნდმა შეძლო 81-ე წუთზე 1 გოლის გაქვითვა იყო.
13 ჩატარებული შეხვედრის შემდეგ “ბარსა” მაქსიმალური ქულათა რაოდენობით (39) სატურნირო ცხრილში პირველ ადგილზე იმყოფება და უახლოეს მდევარს, “ლევანტეს” ქალთა გუნდს 5 ქულით უსწრებს. აღსანიშნავი ფაქტია, რომ კატალონიელებს “ლევანტეზე” 2 მატჩით ნაკლები აქვთ ჩატარებული.
ლუის კორტესის გუნდი შესანიშნავ ფორმაშია და ბრწყინვალე თამაშსაც აჩვენებს.
