იტალიელი ჟურნალისტი ნიკოლო შირა ავრცელებს ინფორმაციას, რომ ზლატან იბრაჰიმოვიჩი და “მილანი” კონტრაქტის 2021 წლამდე გახანგრძლივებაზე შეთანხმდნენ.
მისივე ცნობით, შვედი თავდამსხმელი ხელფასის სახით 6 მილიონ ევროს მიიღებს, რასაც 500 000-ს ბონუსი დაემატება, ხოლო იმ შემთხვევაში, თუ “როსონერი” ჩემპიონთა ლიგის საგზურს მოიპოვებს, თანხა გაორმაგდება.
38 წლის თავდამსხმელი “მილანში” პირველად 2010-12 წლების სეზონში გამოდიოდა, მიმდინარე წლის ზამთარში კი “ლოს ანჯელეს გალაქსიდან” დაბრუნდა. საერთო ჯამში, “შავ-წითლების” მაისურით იბრამ 105 შეხვედრა ჩაატარა, 67 გოლი გაიტანა და 29 საგოლე გადაცემა გააკეთა.
