დონეცკის “შახტარის” მიერ გავრცელებული ინფორმაციით, კლუბის ახალგაზრდული გუნდის მწვრთნელი უკრაინაში მიმდინარე საომარ მოქმედებებს ემსხვერპლა.
“ჩვენი ერთ-ერთი თანამშრომელი მოკლეს, ის ბავშვების მწვრთნელი იყო”, – თქვა უკრაინის ერთ-ერთი ყველაზე ტიტულოვანი კლუბის აღმასრულებელმა დირექტორმა სერჰი პალკინმა.
რუსეთის სამხედრო ძალები უკრაინის ტერიტორიაზე 24 თებერვალს შეიჭრნენ და უკვე მეცხრე დღეა ქვეყანაში საომარი მდგომარეობაა გამოცხადებული.
ამ პერიოდში, უკრაინულმა ფეხბურთმა ლვოვის “კარპატის” ორი ახალგაზრდა მოთამაშის, ვიტალი საპილოსა და დმიტრო მატინენკოს სახით კიდევ ორი დანაკარგი განიცადა.
