მსოფლიო ფეხბურთის ამომავალმა ვარსკვლავმა, ერლინგ ჰოლანდმა ის 7 მოქმედი თავდამსხმელი დაასახელა, რომელსაც თავისზე უკეთესად მიიჩნევს.
20 წლის ტალანტმა, რომელმაც რეკორდი დაამყარა და ჩემპიონთა ლიგის მხოლოდ 14 მატჩში ყველაზე მეტი – 20 გოლის გატანა მოახერხა, ნორვეგიულ გამოცემა VG-სთან საუბრისას თანამედროვეობის საუკეთესო ფორვარდების შესახებ ისაუბრა.
ნორვეგიელი ფეხბურთელის მიერ ჩამოთვლილი ფეხბურთელების ნუსხა ასეთია:
- რობერტ ლევანდოვსკი – მიუნხენის “ბაიერნი”/პოლონეთი
- კრიშტიანუ რონალდუ – ტურინის “იუვენტუსი”/პორტუგალია
- პიერ-ემერიკ ობამეიანგი – ლონდონის “არსენალი”/გაბონი
- ჰარი კეინი – “ტოტენჰემი”/ინგლისი
- სერხიო აგუერო – “მანჩესტერ სიტი”/არგენტინა
- რობერტო ფირმინო – “ლივერპული”/ბრაზილია
- ტიმო ვერნერი – “ჩელსი”/გერმანია
მიმდინარე სეზონში , საკლუბო დონეზე, ყველა ტურნირზე ჩატარებულ 35 შეხვედრაში, ჰოლანდს 33 გოლი აქვს გატანილი და 10 საგოლე გადაცემა გაკეთებული.