ევროპა ლიგის საპასუხო მატჩი “ზალცბურგსა” და “აინტრახტს” შორის დღეს აღარ ჩატარდება. საბედნიეროდ, მიზეზი კორონავირუსი არ არის.
როგორც ცნობილია, ავსტრიაში დღეს ქარიშხალს ელოდებიან. სინოპტიკოსების პროგნოზით, ქარის სიჩქარე 120 კმ/სთ იქნება, რის გამოც, ქვეყანაში საგანგებო სიტუაციაა გამოცხადებული.
ჯერჯერობით უცნობია, თუ როდის გაიმართება გუნდებს შორის საპასუხო დაპირისპირება. აქვე შეგახსენებთ, რომ პირველ თამაშში “აინტრახტმა” “ზალცბურს” 4:1 მოუგო.
