FIFA-მ 2022 წლის მუნდიალიდან 2 მსაჯი: ირანელი – ალირეზა ფაინანი და გერმანელი – დანიელ ზიბერტი მოკვეთა.
მიზეზად ჯგუფური ეტაპის მატჩებზე დაშვებული შეცდომები სახელდება, რომელსაც შეეძლო მატჩის ბედი სხვაგვარად განევითარებინა.
გერმანელმა მსაჯმა – დანიელ ზიბერტმა, ბოლოს H ჯგუფის გადამწყეტი მატჩი: ურუგვაი – განა იმსაჯა, სადაც ფეხბურთის გულშემატკივრებისა და FIFA-ს აზრით მან არაერთი შეცდომა დაუშვა. მატჩის შემდეგ კი ურუგვაელი ფეხბურთელები მის მიმართ პრეტენზიას გამოთქვამდნენ, რამდენიმე ფეხბურთელი კი მას ფიზიკურადაც შეეხო.
სწორედ ამ ფაქტის გამო, FIFA-მ გადაწყვიტა, რომ გერმანელი მსაჯი შეჯიბრიდან მოეხსნათ და 7 დეკემბერს ზიბერტს შეატყობინეს, რომ იგი მოკვეთილი იქნა 2022 წლის მუნდიალიდან.
FIFA მსოფლიო ჩემპიონატის ბოლომდე 20 მსაჯით რჩება.
