იტალიის ჩემპიონატის 24-ე ტურში, “ტორინოსთან” გამარჯვების (1:0) შემდეგ, “მილანმა” ყველა ტურნირზე, საშინაო არენაზე წაუგებელი სერია ცხრა მატჩამდე გაზარდა.
ასეთი წარმატებული პერიოდი “როსონერის” 2017 წლის იანვრის შემდეგ არ ჰქონია.
ბოლოს, “შავ-წითლები” “სან სიროზე” 3 ნოემბერს, რომის “ლაციოსთან” (1:2) დამარცხდნენ. სტეფანო პიოლის გუნდმა სერია A-ს 23-ე ტურშიც წააგო, თუმცა “ინტერთან” (2:4) წაგებულ შეხვედრაში “მილანი” ნომინალური მასპინძელი იყო.
24 ტურის შემდეგ, “მილანი” იტალიის ჩემპიონატში მერვე ადგილზეა. შემდეგ შეხვედრას “მილანი” “ფიორენტინასთან” 22 თებერვალს გამართავს, შინ კი პირველ მარტს, “ჯენოასთან” ითამაშებს.
