ბელარუსთან ისტორიული მატჩის მოახლოებასთან ერთად, საინტერესოა, თუ როგორ ფორმაში არიან ქართველი ლეგიონერები.
გასულ შაბათ-კვირას ყაზახეთის ჩემპიონატის ახალი სეზონი დაიწყო. ლუკა ზარანდიას, ჯაბა კანკავასა და ნიკა კვეკვესკირის “ტობოლმა” “შახტიორს” უმასპინძლა და 3:1 გაიმარჯვა.
სეზონის პირველი ტურის დასრულების შემდეგ ყაზახურმა მედიამ სიმბოლური გუნდი შეადგინა, რომელშიც კანკავა მოხვდა. საქართველოს ნაკრების კაპიტანს ნოემბრის შემდეგ ოფიციალური მატჩი არ ჰქონდა ჩატარებული, თუმცა, როგორ ჩანს, 33 წლის ნახევარმცველი ბელარუსთან თამაშს კარგ ფორმაში ხვდება.
