კატალონიის “ბარსელონასა” და ესპანეთის ნაკრების ყოფილი მთავარი მწვრთნელის ლუის ენრიკეს, 9 წლის ქალიშვილი, ხანა მარტინესი, ძვლის კიბოს დიაგნოზით გარდაიცვალა.
შვილის გარდაცვალების შესახებ ლუის ენრიკემ საკუთარ “Twitter”-ის გვერდზე დაწერა: “ჩვენ ძალიან მოგვენატრები და მთელი ცხოვრების მანძილზე გვემახსოვრები, იმ იმედით, რომ მომავალში ჩვენ კვლავ შევხვდებით. შენ ის მანათობელი ვარსკვლავი იქნები, რომელიც ჩვენს ოჯახს წინ გაუძღვება,” დაწერა Twitter-ზე ლუის ენრიკემ.
ლუის ენრიკემ ასევე მადლობა გადაუხადა ყველა იმ ადამიანსა და ორგანიზაციას, რომელმაც მძიმე დღეებში მას თანადგომა გამოუცხადა. ყოფილ ფეხბურთელს და ამჟამად მწვრთნელს “ბარსელონას” ოფიციალურმა გვერდმა, ესპანეთის პრემიერ-მინისტრმა, ცნობილმა ფეხბურთელებმა და საფეხბურთო მოღვაწეებმა მიუსამძიმრეს.
ცნობილია, რომ ლუის ენრიკეს შვილი ძვლის კიბოს 5 თვის განმავლობაში ებრძოდა.
Our condolences and all our sympathy for @luisenrique21 and his family at this very difficult time. RIP Xana.https://t.co/huTNMXxEu2
— FC Barcelona (@FCBarcelona) August 29, 2019
