მარტის სანაკრებო პაუზის შემდეგ, საქართველოს ფეხბურთელთა ნაკრები მსოფლიოს რეიტინგში დაწინაურდა.
საქართველოს ეროვნული გუნდი ერთი საფეხურით დაწინაურდა და 85-ე პოზიციას იკავებს.
ეს მას შემდეგ მოხდა, რაც ვილი სანიოლის გუნდმა ბიოსნიისა და ჰერცეგოვინის ნაკრებს – 1:0 სძლია, ხოლო ალბანეთთან უგოლო ფრე (0:0) ითამაშა. ორივე შეხვედრა საქართველოს ნაკრებმა სტუმრად გამართა.
აღსანიშნავია, რომ 2013 წლის შემდეგ, საქართველოს ნაკრებს უკეთესი შედეგი არ ჰქონია. ასევე, 2021 წელს ეროვნულმა გუნდმა ფიფა/კოკა-კოლას რეიტინგი 85-ე ადგილზე დაასრულა.
საქართველოს ნაკრები შემდეგ შეხვედრას 5 ივნისს, უეფას ერთა ლიგის C დივიზიონის 2022/23 წლების სეზონის გათამაშების პირველი ტურის ეგიდით, თბილისში, “დინამო არენაზე”, გიბრალტარის წინააღმდეგ გამართავს.
