საფეხბურთო გვერდმა Wave.tv-მ, რომელსაც 3.2 მილიონი გამომწერი ჰყავს, Instagram-ზე გიორგი წიტაიშვილის ბრწყინვალე გოლი გაიხსენა.
წარმოშობით ქართველმა ფეხბურთელმა, რომელიც უკრაინის მოქალაქეა და ამ ქვეყნის 20-წლამდე ნაკრებთან ერთად მსოფლიო ჩემპიონი გახდა, ტურნირის ფინალში, სამხრეთ კორეის კარში ბოლო წუთზე გაიტანა.
წიტაიშვილმა ბურთი საკუთარ მოედანზე მიიღო, დაახლოებით 60 მ გაირბინა, გვერდი სამ მეტოქეს აუარა და საბოლოო ანგარიში დააფიქსირა.
წიტაიშვილის შესანიშნავ გოლს თან ასეთი კომენტარი ერთვის: “მბაპეს აჩქარება და მესის მარცხენა”.
წიტაიშვილი კიევის “დინამოს” აკადემიის ასაკობრივ გუნდებში ირიცხებოდა, მიმდინარე სეზონში კი უმაღლეს ლიგაში ერთი შეხვედრის ჩატარებაც მოახერხა.
