დღეს კომპიუტერული თამაშების მოყვარულთათვის ძალიან კარგი ინფორმაცია გავრცელდა.
როგორც ცნობილია, საქართველოს ფეხბურთის ფედერაციამ Konami-სთან ოფიციალურ შეთანხმებას მიაღწია.
ხელშეკრულების თანახმად, აღნიშნული კომპანიის ვიდეოთამაშში, PES 2020-ში საქართველოს ნაკრებიც იქნება.
აღსანიშნავია, რომ საფეხბურთო სიმულატორების ისტორიაში ეს პირველი შემთხვევაა, როდესაც “ჯვაროსნები” თამაშში ოფიციალური სახით არიან წარმოდგენილები.
“მოხარულები ვართ, გამცნოთ Konami-სთან ახალი შეთანხმების შესახებ, რომლის თანახმადაც საქართველოს ეროვნულ ნაკრებს კომპანიის უახლეს საფეხბურთო ვიდეოთამაშ PES 2020-ში ვიხილავთ,” – ნათქვამია საქართველოს ფეხბურთის ფედერაციის ოფიციალურ განცხადებაში.
