კორონავირუსზე სამკვირიანი მკურნალობის შემდეგ, “მანჩესტერ იუნაიტედისა” და “ევერტონის” ყოფილი ნახევარმცველი მარუან ფელაინი ჩინეთის საავადმყოფოდან გამოწერეს.
ბელგიის ნაკრების 32 წლის შუახაზელი ერთადერთი ფეხბურთელია ჩინეთის სუპერლიგაში, რომელსაც COVID19-ით ინფიცირება დაუდგინდა.
22 მარტს, ფეხბურთელმა თავად გაამხილა, რომ კორონავირუსის ტესტმა დადებითი პასუხი აჩვენა.
ფელაინი “შანდონ ლუნენგში” 2019 წლის თებერვალში გადავიდა და 34 შეხვედრაში 12 გოლის გატანა შეძლო.
