“ფიორენტინას” ახალი მთავარი მწვრთნელი ჰყავს. ინფორმაციას კლუბის ოფიციალური ვებ-გვერდი ავრცელებს.
ჯუზეპე იაკინის კლუბი ოფიციალურად 28 დეკემბერს წარადგენს, პირველ ვარჯიშს კი იტალიელი სპეციალისტი 29-ში, დავიდე ასტორის სპორტულ ცენტრში ჩაატარებს.
რამდენიმე დღის წინ, “იებმა” ვინჩენცო მონტელასთან კონტრაქტი გაწყვიტეს, რომელმაც გუნდს წარუმატებელი მატჩების სერია ვერ გამოუსწორა. ბოლო წვეთი “მილანის” ყოფილი თავკაცის საქმეში “რომასთან” – 1:4 დამარცხება იყო.
იაკინი წარსულში “სამპდორიას” “უდინეზეს” და “სასუოლოს” წვრთნიდა, ბოლოს ის ლევან მჭედლიძის “ემპოლის” ხელმძღვანელობდა, რომელიც 2019 წლის მარტში დატოვა.
ფეხბურთელის კარიერის დროს იაკინიმ “ფიორეში” 5 წელიწადი გაატარა.