პორტუგალიური მედია ახალგაზრდა ნიჭიერი ქართველი თავდამსხმელის, გიორგი აბუაშვილის კარიერული მომავლის შესახებ წერს და ამბობს, რომ მან შესაძლოა თურქეთის სუპერლიგაში ითამაშოს.
20 წლის ფეხბურთელი, რომელიც პორტუგალიური “პორტუს” B გუნდში თამაშობს, თურქეთის სუპერლიგის წარმომადგენელი “ალანიასპორის” ინტერესის ობიექტია.
“იმის გათვალისწინებით, რომ წინა სეზონში “პორტუ B-მ” აბუაშვილი მხოლოდ 7-ჯერ გამოიყენა, დიდი შანსია, რომ ახალი სეზონიდან მან შანსი თურქეთის სუპერ ლიგაში მიიღოს.
ჩვენი ინფორმაციით, “ალანიასპორი” “ლურჯ-თეთრებს 1-წლიან იჯარას სთავაზობს გამოსყიდვის პერსპექტივით და პასუხს ელოდება, იმის ფონზე, რომ რუმინულმა “პეტროლულმა” უარი მიიღო”, – წერს ერთ-ერთი ყველაზე პრესტიჟული პორტუგალიური საფეხბურთო ვებ-გვერდი ojogo.pt-ი.
20 წლის ფეხბურთელი, რომელსაც როგორც ცენტრალური თავდამსხმელის, ისე მარცხენა გარემარბის პოზიციაზე თამაში შეუძლია, “დინამო თბილისის” აკადემიის აღზრდილია და პორტუგალიური გრანდის მეორე გუნდში 2021 წლის 1 ივლისს გადაბარგდა, მისი კონტრაქტი კლუბთან 2026 წლამდე მოქმედებს.
