დღეს, 26 აგვისტოს, თურქეთში ევროპა ლიგისა და კონფერენს ლიგის ჯგუფური ეტაპის წილისყრა გაიმართა.
წილისყრის შედეგად, გუნდები ასე გადანაწილდნენ:
ევროპა ლიგის ჯგუფურ ეტაპზე 3 ქართველი ფეხბურთელი ითამაშებს. “შტურმი”, რომელშიც საქართველოს ნაკრების ნახევარმცველი – ოთარ კიტეიშვილი თამაშობს, საკმაოდ რთულ, F ჯგუფში მოხვდა, სადაც ავსტრიულ კლუბთან ერთად, იტალიური “ლაციო”, ნიდერლანდური “ფეიენოორდი” და დანიური “მიდტიულანდი” ითამაშებენ.
H ჯგუფში ითამაშს “ცრვენა ზვეზდა”, რომლის ღირსებასაც საქართველოს ნაკრების განაპირა მცველი – ირაკლი აზაროვი იცავს. სერბული კლუბი ჯგუფში “მონაკოს”, “ფერენცვაროშსა” და “ტრაბზონსპორს” დაუპირისპირდება.
ასევე აღსანიშნავია ის ფაქტი, რომ “ფერენცვაროშში” ირიცხება გიორგი ხარაიშვილი, რომელსაც პირველ კლუბში 2021 წლის 4 აპრილის შემდეგ არ უთამაშია.
კონფერენს ლიგა
კონფერენს ლიგის ჯგუფურ ეტაპზე კი 5 ქართველი ითამაშებს.
პოლონურ “ლეხში” ირიცხებიან საქართველოს ნაკრების ნახევარმცველი – ნიკა კვეკვესკირი და მარცხენა მცველი – გიორგი წიტაიშვილი. “ლეხი” C ჯგუფში, “ვენის ავსტრიასთან”, “ჰაპოელ ბერ-შევასთან” და “ვილიარეალთან” მოხვდა.
ხოლო რაც შეეხება ბრატისლავის “სლოვანს”, სლოვაკები H ჯგუფში: “ჟალგირისთან”, “პიუნიკთან” და “ბაზელთან” ერთად იქნებიან. შეგახსენებთ, რომ ბრატისლავის “სლოვანში” 3 ქართველი: გურამ კაშია, გიორგი ჩაკვეტაძე და ჯაბა კანკავა ირიცხებიან.
