მარტის სანაკრებო პაუზის დასრულების შემდეგ, მსოფლიო ფეხბურთის მმართველმა ორგანიზაციამ მსოფლიოს განახლებული რეიტინგი გამოაქვეყნა.
საქართველოს ფეხბურთელთა ნაკრებმა, რომლის აქტივშიც 1267 ქულაა, ფიფა/კოკა-კოლას რეიტინგში 2 საფეხურით დაბლა დაიხია და 89-ეს ნაცვლად, უკვე 91-ე ადგილს იკავებს.
მარტის თვეში, “ჯვაროსნებმა” მსოფლიოს 2022 წლის ჩემპიონატის შესარჩევი ეტაპის ეგიდით 3 შეხვედრა ჩაატარეს: შვედეთთან (0:1), ესპანეთთან (1:2) და საბერძნეთთან (1:1).
სამი ტურის შემდეგ დაგროვილი 1 ქულით საქართველოს ეროვნული გუნდი B ჯგუფში მეოთხე პოზიციას იკავებს.
რაც შეეხება ჯგუფურ ეტაპზე ჩვენს მეტოქეებს, მათი პოზიცია სატურნირო ცხრილში ასეთია:
ესპანეთი – 6
შვედეთი – 18
საბერძნეთი – 51
კოსოვო – 120
მსოფლიოს სანაკრებო რეიტინგის პირველი ათეული ასე გამოიყურება:
შემდეგ შეხვედრას ვილი სანიოლის გუნდი 2 ივნისს, რუმინეთთან, სტუმრად, ამხანაგური მატჩის ეგიდით ჩაატარებს, 6-ში კი ნიდერლანდების ეროვნულ გუნდს ესტუმრება.
