მადრიდის “რეალისთვის” 2018/19 წლების სეზონი დასრულებულია. ზინედინ ზიდანის გუნდი წელს ტიტულის გარეშე დარჩა.
შეგახსენებთ, რომ “რეალმა” ლა ლიგაში მე-3 ადგილი დაიკავა, ჩემპიონთა ლიგიდან კი მერვედფინალში, ამსტერდამის “აიაქსთან” მარცხის შემდეგ გამოვარდა.
მადრიდელთა ლეგენდამ, კრიშტანუ რონალდუმ 2017/18 წლების სეზონში ესპანეთის ჩემპიონატში სულ 31 გოლში მიიღო მონაწილეობა (26 გოლი, 5 ასისტი), “ბლანკოსმა” კი ჯამში 94 გოლი გაიტანა.
რაც შეეხება განვლილ სეზონს, პორტუგალიელის გარეშე მყოფმა “რეალმა” ლა ლიგაში 63 გოლი გაიტანა – ზუსტად 31 გოლით ნაკლები, ვიდრე წინა სეზონში.
აღნიშნული სტატისტიკა კიდევ ერთხელ ადასტურებს იმას, რომ კრიშტიანუ რონალდუ მადრიდის “რეალისთვის” ყოველთვის უდიდეს ძალას წარმოადგენდა, მის გარეშე კი გუნდის შეტევის პროდუქტიულობა საგრძნობლად შემცირდა.