2023 წლის მსოფლიო ჩემპიონატის საკვალიფიკაციო ეტაპის დასკვნით ტურში საქართველოს საკალათბურთო ნაკრებმა ისლანდიას უმასპინძლა და 3-ქულიანი სხვაობით, ანგარიშით 77:80 დამარცხდა.
საქართველოს მსოფლიო ჩემპიონატზე გასასვლელად მოგება ან 3 ქულაზე მეტით არწაგება სჭირდებოდა (თუ მეტოქე 89 ქულაზე მეტს ჩააგდება და მოიგებდა, მაშინ საქართველოს მხოლოდ 1 ან 2 ქულით წაგება აძლევდა ხელს). შედეგად, ისტორიაში პირველად, ჩვენი ნაკრები მსოფლიო პირველობაზე იასპარეზებს.
ამ მატჩში დიდებული სტატისტიკა ჰქონდა ნაკრების ცენტრს – გიორგი შერმადინს, რომელიც FIBA-ს მეექვსე ტურის MVP-ის ტიტულისთვის იბრძვის და ამ მომენტში ხმების პროცენტული რაოდენობით პირველ ადგილზე იმყოფება.
შერმადინმა ისლანდიის ნაკრების წინააღმდეგ 100%-იანი სიზუსტით ისროლა. 9 ნასროლი ბურთიდან ყველა ზუსტი იყო, საბოლოოდ კი მატჩი 23 ქულით დაასრულა.
ხმის მიცემა შესაძლებელია ამ ბმულზე
