საქართველოს კალათბურთელთა ეროვნულმა ნაკრებმა მსოფლიოს 2023 წლის ჩემპიონატის საკვალიფიკაციო ტურნირის მატჩებისთვის მზადება დაიწყო. ბერძენი სპეციალისტის, ილიას ზუროსის გაწვრთნილი ჩვენი ეროვნული გუნდი 17 ივნისს თბილისში შეიკრიბა, ხოლო საკვალიფიკაციო მატჩებს 1 ივლისს რიგაში უკრაინასთან და 4 ივლისს თბილისში, ესპანეთთან გამართავს.
საქართველოს ნაკრების გაფართოებულ შემადგენლობაში 22 კალათბურთელი იყო, თუმცა ოფიციალური მატჩებისთვის 13 შეირჩა.
საქართველოს კალათბურთელთა ნაკრების შემადგენლობა
საქართველოს ეროვნული ნაკრები ლატვიაში 29 ივნისს, გამთენიისას გაფრინდება.
