საქართველოს ნაკრების ნატურალიზებული ამერიკელი უკანახაზელი, თად მაკფადენი ფიბას საკონტინენტთაშორისო თასის მფლობელია.
გასულ სეზონში 33 წლის კალათბურთელმა “ბურგოსთან” ერთად ჩემპიონთა ლიგის მოგება მოახერხა, რითაც აღნიშნულ ტურნირზე თამაშის უფლება მოიპოვა. 7 თებერვალს, ბუენოს აირესში, ფინალურ მატჩში არგენტინული “ქუისმა” ესპანურმა კლუბმა 82:73 დაამარცხა და საპატიო ტიტულის მფლობელი გახდა. აღსანიშნავია, რომ წინა წელს ეს თასი გიორგი შერმადინის “ტენერიფემ” მოიგო.
მაკფადენმა 26:29 წუთი ითამაშა, რა დროშიც 16 ქულა, 5 პასი, 1 მოხსნა და 1 ჩაჭრა მიითვალა. მატჩის MVP თადის თანაგუნდელი ვიქტორ ბენიტე გახდა, რომლის ანგარიშზეც 19 ქულა დაგროვდა.
თადმა არგენტინული გუნდი პერიმეტრიდან დაბომბა – ამერიკელს პირველ ტაიმში 14 ქულა ჰქონდა
🚒 CALL THE FIRE DEPARTMENT! The @BasketballCL MVP Thad McFadden is on fire (14PTS at halftime)! #IntercontinentalCup I @SanPabloBurgos pic.twitter.com/piWJkCoARv
— FIBA Intercontinental Cup (@FIBAIC) February 6, 2021
