დღეს NBA-ის მოქმედმა ჩემპიონმა, “მილოუკი ბაქსმა” წინასასეზონო პირველი შეხვედრა “მემფისთან” გამართა.
შეხვედრა მეოთხე მეოთხედის დაწყებამდე სახანძრო განგაშის ჩართვის გამო შეწყდა, თუმცა სამი მეოთხედის შედეგებით “გრიზლისი” მეტოქეს 87:77 ამარცხებდა.
სანდრო მამუკელაშვილმა “მემფისის” წინააღმდეგ შესანიშნავი მატჩი ჩაატარა. ქართველმა კალათბურთელმა პარკეტზე ყველაზე მეტი, 28 წუთი გაატარა, რა დროშიც 9 ქულა, 7 მოხსნა (5 შეტევაში), 3 გადაცემა დააგროვა. გარდა ამისა, სანდრომ ბურთი მხოლოდ ერთხელ დაკარგა და მატჩი ბოლომდე რომ დასრულებულიყო, შესაძლოა ორმაგი დუბლიც შეესრულებინა. მამუკელაშვილმა დღევანდელ შეხვედრაში 2-დან 1 საჯარიმო, 5-დან 4 ორქულიანი გამოიყენა, ხოლო 1 სამქულიანი ვერ ჩააგდო.
აღსანიშნავია, რომ სანდრო მამუკელაშვილის პერფორმანსს საკმაოდ კარგი გამოხმაურება მოჰყა.
“მილოუკი ბაქსი” შემდეგ შეხვედრას 9 ოქტომბერს, “ბრუკლინ ნეთსის” წინააღმდეგ გამართავს.
3 assists for Sandro Mamukelashvili, and 13 total passes on these 3 possessions. It’s just preseason, sure, but the ball movement presence Sandro adds to the team is apparent at any level of competition #FearTheDeer pic.twitter.com/EMm1DNICeB
— Mavs / Magic Draft (@MavsDraft) October 6, 2021
