20 დეკემბერს, მიმდინარე წლის ბოლო შეჯიბრმა – იერუსალიმის მასტერსმა აიღო სტარტი, რომელიც 22 დეკემბრამდე გაგრძელდება.
პირველ საშეჯიბრო დღეს, საქართველოს დროშის ქვეშ: გიორგი სარდალაშვილმა, ვაჟა მარგველაშვილმა და ეთერ ლიპარტელიანმა იჭიდავეს, თუმცა მედლის მოპოვება მხოლოდ გიორგი სარდალაშვილმა შეძლო, რომელმაც ბრინჯაოს მედლისთვის ბრძოლაში, -60 კგ წონითი კატეგორიის ლიდერი – იანგ ვეი იანგი დაამარცხა.
იერუსალიმის მასტერსის მეორე საშეჯიბრო დღეს კი ტატამზე ოლიმპიური, მსოფლიოსა და ევროპის ჩეპიონები გამოვლენ. საქართველოს ნაკრების სახელით ლაშა შავდათუაშვილი, გიორგი ტერაშვილი და ტატო გრიგალაშვილი იბრძოლებენ.
-73 კგ
-73 კგ წონით კატეგორიაში ორი წარმომადგენელი გვეყოლება: ლაშა შავდათუაშვილი და გიორგი ტერაშვილი.
სამწუხაროა ის ფაქტი, რომ ორივე ქართველი A ბადეში მოხვდა და დიდი შანსია, რომ ერთმანეთს მალევე შევხვდნენ.
ლაშა შავდათუაშვილი A ბადეში განთესილია და ასპარეზობას პირდაპირ მეორე ეტაპიდან დაიწყებს, სადაც მისი მეტოქე, ბრაზილიელ – დანიელ კარნინსა და შვეიცარიელ – ნილს სტამპს შორის გამარჯვებული იქნება.
ხოლო რაც შეეხება გიორგი ტერაშვილს, 19 წლის ქართველი A ბადეში განუთესავია, ასპარეზობაში პირველივე ეტაპიდან ერთვება და მისი მეტოქე, ისრაელის წარმომადგენელი – იდო ლევინი იქნება. იმ შემთხვევაში თუ ტერაშვილი შემდეგ ეტაპზე გავა, მას, უზბეკ – ხიკმატილოხ ტურაევსა და ყაზახ – დანიიარ შამშაიევს შორის გამარჯვებულს შეხვდება.
იმ შემთხვევაში თუ ორივე ქართველი 1/4-ფინალამდე წარმატებულად იასპარეზებს, 1/4-ფინალში სწორედ ქართულ დაპირისპირებას ვიხილავთ.
-81 კგ
-81 კგ წონით კატეგორიაში, 2022 წლის მსოფლიოსა და ევროპის ჩემპიონი – ტატო გრიგალაშვილი იასპარეზებს.
ტატო გრიგალაშვილი A ბადეში განთესილი იქნება, ასპარეზობაში კი მეორე ეტაპიდან ჩაერთვება, სადაც მისი მეტოქე, მაროკოელ – აჩრაფ მოუტისა და უნგელ – ატილა უნგვარს შორის გამარჯვებულს შეხვდება.
ტატოს საკმაოდ რთული ბადე აქვს, მას ბადეში ჰყავს არაერთი ცნობილი და ძლიერი ძიუდოისტი: ზელიმ ტცკაევი (აზერბაიჯანი), ფრენკ დე ვიტი (ნიდერლანდელი).
ასევე აღსანიშნავია ის ფაქტი, რომ იერუსალიმის გრანდ სლემის ფინალამდე ტატო გრიგალაშვილისა და ბელგიელი – მატიას კასეს დაპირისპირება არ შედგება.
წინასწარი შეხვედრები თბილისის დროით 13:00, ფინალური ბლოკი კი 19:00 საათზე დაიწყება.
