16-17 ოქტომბერს, საფრანგეთის დედაქალაქ პარიზში, ძიუდოს საერთაშორისო ტურნირი, პარიზის გრანდ სლემი ჩატარდება. 16 ოქტომბერს, საქართველოს ნაკრების სახელით 2 სპორტსმენი იასპარეზებს.
-73 კგ
ძალიან საინტერესოა, რომ -73 კგ წონით კატეგორიაში მონაწილეობას იღებს ვაჟა მარგველაშვილი, რომელიც -66 კგ წონითი კატეგორიის პირველი ნომერია მსოფლიოში. ვაჟა ერთჯერადად გამოვა -73 კგ წონით კატეგორიაში.
ვაჟა მარგველაშვილი განთესილი არ იქნება და ასპარეზობას პირველივე ეტაპიდან დაიწყებს, სადაც კანადელ – გაბრიელ ჯუტეს შეხვდება. კანადელი მეტოქის დაძლევის შემთხვევაში კი მისი მეტოქე, ფრანგი – გუილემ ჩაინე იქნება. ვაჟას ბადეში ყველაზე ძლიერი მეტოქე რუმინელი – ალექსანდრე რაიკუ იქნება.
-57 კგ
-57 კგ წონით კატეგორიაში საქართველოს ნაკრების სახელით – ეთერ ლიპარტელიანი იასპარეზებს. ეთერი A ბადეში გამოვა და განთესილი იქნება, შესაბამისად ასპარეზობას მეორე რაუნდიდან იწყებს, სადაც მეტოქედ მავრიტანიელი – კრისტიან ლეგენტილი იქნება. მავრიტანიული ბარიერის დაძლევის შემთხვევაში, ეთერ ლიპარტელიანი 1/4 ფინალში გავა, სადაც მეტოქედ, ისრაელის წარმომადგენელ – კერემ პრიმოსა და ფრანგ – ფაიზა მოკდარს შორის გამარჯვებული ეყოლება.
წინასწარი შეხვედრები 14:00, ხოლო ფინალური ბლოკი კი 19:00 საათზე დაიწყება. ფინალური ბლოკის ყურება Silk Universal-ზე შეგეძლებათ.
