15-17 ივლისს, ხორვატიის დედაქალაქში, ზაგრების გრან პრი გაიმართარება, სადაც საქართველოს ძიუდოისტთა ნაკრები 12 სპორტსმენით იასპარეზებს, საიდანაც 10 მამაკაცი, 2 კი ქალი იქნება.
15 ივლისს, ზაგრების გრან პრის პირველი საშეჯიბრო დღე აიღებს სტარტს, სადაც საქართველოს დროშის ქვეშ 3 სპორტსმენი იჭიდავებს.
-60 კგ
-60 კგ წონით კატეგორიაში, საქართველოს ნაკრების წარმომადგენელი – 19 წლის გიორგი სარდალაშვილი იქნება, რომელიც თბილისის გრანდ სლემის ვიცე-ჩემპიონია, ახალგაზრდებში კი მსოფლიოსა და ევროპის ჩემპიონი.
სარდალაშვილი განთესავი იქნება და ასპარეზობაში მეორეეტაპიდან ჩაერთვება, სადაც მისი მეტოქე ტაჯიკი – მუჰამადსოლე ქუვატოვი იქნება. ტაჯუკური ბარიერის დაძლევის შემთხვევაში კი, სარდალაშვილი დიდ ბრიტანელ – ჯოშუა გილსა და ბრაზილიელ – მატეუს ტაკატის შორის გამარჯვებულს შეხვდება.
-66 კგ
-66 კგ წონით კატეგორიაში, საქართველოს დროშის ქვეშ – ვაჟა მარგველაშვილი იასპარეზებს.
ვაჟა განთესილი იქნება, შესაბამისად ასპარეზობაში პირველი მეორე ეტაპიდან ჩაერთვება, სადაც მისი მეტოქე, სერბ – სტაჰინია ბუნჩიჩსა და ტაჯიკ – ალიონ საფარალიევს შორის გამარჯვებული იქნება.
ვაჟა C ბადეში იასპარეზებს და ძიუდოს ექსპერტების აზრით, იგი ამ შეჯიბრის ერთ-ერთი მთავარი ფავორიტია. ძიუდოს ექსპერტები -66 კგ წონითი კატეგორიის ფინალში: მოლდოველ – დენის ვიერუსა და ქართველ – ვაჟა მარგველაშვილს შორის მოიაზრებენ.
-57 კგ
-57 კგ წონით კატეგორიაში, საქართველოს ნაკრების ღირსებას – ეთერ ლიპარტელიანი დაიცავს. აღსაღნიშნავია ის ფაქტი, რომ კორონავირუსის დადასტურების შემდეგ, ეთერი ტატამზე პირველად ბრუნდება. ვირუსის გამო ლიპარტელიანმა ბუდაპეშტის გრანდ სლემი გამოტოვა.
ეთერი C ბადეში განთესილი იქნება და ასპარეზობაში მეორე ეტაპიდან ჩაერთვება, სადაც მას დიდ ბრიტანელი მეტოქე – ასეილა ტოპრაკი ეყოლება.
წინასწარი შეხვედრები თბილისის დროით 12:00, ფინალური ბლოკი კი 19:00 საათზე დაიწყება.
