ესპანეთის საკალათბურთო ჩემპიონატში გიორგი შერმადინის “იბეროსტარ ტენერიფემ” მორიგი გამარჯვება მოიპოვა.
ACB ლიგის 22-ე ტურში “იბეროსტარ ტენერიფე” გასვლაზე “მორაბანკ ანდორას” დაუპირისპირდა და შეხვედრა ანგარიშით 83:89 მოიგო.
მორიგი გამორჩეული მატჩი ჩაატარა გიროგი შერმადინმა, რომელიც ორივე გუნდის შემადგენლობაში საუკეთესო იყო.
ქართველმა ცენტრმა პარკეტზე 22:40 წუთი გაატარა, რა დროშიც 19 ქულა, 7 მოხსნა და 3 პასი მიითვალა.
შერმადინმა 11-დან 6 ორქულიანი და 9-დან 7 საჯარიმო ჩააგდო.
ქართველი კალათბურთელი ორივე გუნდის შემადგენლობაში საუკეთესო იყო, გიორგიმ ყველაზე მაღალი შედეგი დააფიქსირა და მატჩის საუკეთესო მოთამაშის პრიზიც დაიმსახურა, მისი სარგებლიანობის კოეფიციენტი კი 29-ს გაუტოლდა.
🔘 @gioshermadini, MVP aurinegro en el partidazo de hoy en Andorra 👇 pic.twitter.com/7h3cWHcQuB
— Iberostar Tenerife (@CB1939Canarias) January 30, 2021
ესპანეთის საკალთბურთო ჩემპიონატში “იბეროსტარ ტენერიფემ” 21 ჩატარებული შეხვედრიდან 17 მოიგო და სატურნირო ცხრილში მე-2 ადგილზე იმყოფება, შერმადინის გუნდი მხოლოდ “რეალს” ჩამორჩება.
ACB ლიგის მომდევნო ტურში 7 თებერვალს “ტენერიფე” “ბასკონიას” უმასპინძლებს.