ტოკიოს ოლიმპიურ თამაშებზე ასპარეზობას ბერძნულ-რომაული სტილით მოჭიდავეთა ნაკრები განაგრძობს.
დღეს თავისი შეხვედრა გამართა გიორგი მელიამ, რომელიც მთავარ ფავორიტს, მუსა ევლოევს დაუპირისპირდა. რუს მოჭიდავესთან ქართველი დაძაბულ ბრძოლაში, 1:3 დამარცხდა.
აღსანიშნავია, რომ მელიასთვის მედლისთვის ბრძოლა არ დასრულებულა. ევლოევი ტურნირის ნახევარფინალშია გასული და თუ ის ფინალის საგზურსაც მოიპოვებს, გიორგი რეპეშაჟში გადაინაცვლებს, სადაც ბრინჯაოს მედლის მოგების შანსი ექნება.
