ევროპული კალათბურთის ყველაზე პრესტიჟული ტურნირი – ევროლიგა რამდენიმე კვირაა დაიწყო.
ტურნირი 18 გუნდითაა დაკომპლექტებული, მათ შორის კი თორნიკე შენგელიას “ცსკა” ერთ-ერთი ფავორიტია.
“ცსკა”-მ ევროლიგის მესამე წრის შეხვედრაში, საკუთარ არენაზე “ზენიტს” უმასპინძლა და 10-ქულიანი სხვაობით, ანგარიშით – 77:67, დაამარცხა.
თორნიკე შენგელიამ პარკეტზე გატარებულ 35:48 წუთში, საკუთარ გუნდს 33 ქულა, 8 მოხსნა, 2 შედეგიანი გადაცემა და 2 ჩაჭრა მოუტანა.
შენგელია შედეგიანობით უპირობო ლიდერი იყო, როგორც საკუთარ, ისე მეტოქის კალათბურთელებს შორისაც, რამაც მისთვის MVP-ის ტიტულის მინიჭება განაპირობა.
ინფორმაციისთვის გეტყვით, რომ თორნიკე შენგელიასთვის აღნიშნული მაჩვენებელი (33 ქულა) ევროლიგაზე საუკეთესო შედეგია.
Toko Shengelia vs Zenit — New Career High 🤟
33 pts
10/16 2FG
2/4 3FG
7/11 FT
8 Rebounds
1 Assist
2 Steals
1 Turnover
7 Received Fouls
PIR: 36@cskabasket @TokoShengelia23 pic.twitter.com/qezmYPfVs6— The BasketHead (@theBasketHead2) October 12, 2021
აღნიშნული გამარჯვებით არმიელები ევროლიგის მე-6 პოზიციაზე, 2 მოგებითა და 1 მარცხით, გადავიდნენ.
მომდევნო შეხვედრას “ცსკა”, 15 ოქტომბერს, კვლავ ევროლიგის ეგიდით, საკუთარ არენაზე, “ცრვენა ზვეზდას” წინააღმდეგ გამართავს.