11 წლის შემდეგ, მილანმა სერია A პირველად მოიგო. ტრიუმფამდე სვლის ერთ-ერთი მთავარი, მამოძრავებელი ძალა ზლატან იბრამივიჩი გახლდათ. თუმცა შვედი ფეხბურთელის თქმით, მიზნამდე სვლა ძალიან მტკივნეული იყო.
No pain, no gain – ტკივილის გარეშე შედეგს ვერ მიაღწევ. შვედმა თავდამსხმელმა სოციალურ მედიაში გაამხილა, რომ ბოლო ექვსი თვის განმავლობაში, მარცხენა მუხლის წინა ჯვარედინი იოგის გარეშე ითამაშა.
“გავიკეთე 20-ზე მეტი ინექცია.
მუხლს კვირაში ერთხელ ვისუფთავებდი.
ყოველდღე ტკივილგამაყუჩებლებს ვიღებდი.
ტკივილი ღამით არ მაძინებდა.
მოედანზე და მის მიღმა – ამდენი არასოდეს მიწვალია.
გავაკეთე შეუძლებელი, რომ შესაძლებელისთვის მიმეღწია.
გონებაში მხოლოდ ერთი ამოცანა მქონდა: ჩემი მწვრთნელი და თანაგუნდელები იტალიის ჩემპიონები უნდა გამხდარიყვნენ – ეს კი იმიტომ, რომ პირობა შემესრულებინა”, – აღნიშნა ზლატანმა Instagram-ზე გამოქვეყნებულ პოსტში.
View this post on Instagram
სკუდეტოს მოგების შემდეგ, იბრაჰიმოვიჩი ლიონში გადაფრინდა, სადაც მას ოპერაცია ჩაუტარდა. “მილანის” განცხადებაში ვკითხულობთ, რომ ქირურგიული ჩარევა წარმატებით განხორციელდა და რომ ზლატანს რეაბილიტაციისთვის 7-8 თვე დასჭირდება.
იტალიელი ჟურნალისტის, ნიკოლო სკირას განცხადებით, მძიმე ტრავმის და ხანგრძლივი აღდგენითი პროცესის მიუხედავად, ზლატან იბრაჰიმოვიჩი იტალიურ გუნდში კიდევ ერთი წლით დარჩება. მისივე თქმით, მხარეები უკვე კონტრაქტის პირობებზე შეთანხმდნენ – 40 წლის ფეხბურთელის ანაზღაურება 2.5 მილიონი ევრო იქნება.