მას შემდეგ, რაც სასამართლოს გადაწყვეტილებით ,,იუვენტუსს” 3 თვის წინ ჩამოკლებული 15 ქულა დაუბრუნდა, სოციალურ ქსელში ჟოზე მოურინიოს მიერ რამდენიმე დღის წინ გაკეთებული კომენტარი გავრცელდა:
,,მატჩი მაშინაა მოგებული, როცა მეტოქეზე ერთით მეტ გოლს იტან. ეს არის მიზანი არა მხოლოდ ფეხბურთში, არამედ – სპორტში: უნდა ეცადო შენი თვისებები გამოიყენო და პრობლემები დამალო. ახლა სატურნირო ცხრილში მესამე ადგილს ვიკავებთ? დარწმუნებული ვართ, რომ “იუვენტუსს” 59 ქულა არ აქვს?! ჩვენ იტალიაში ვართ…” – განაცხადა პორტუგალიელმა სპეციალისტმა 9 აპრილს, ,,ტორინოსთან” სტუმრად მოგების შემდეგ.
სერია A-ს 30 ტურის შემდეგ, ,,რომა” 56 ქულით სატურნირო ცხრილის მეოთხე პოზიციაზეა, ,,იუვენტუსს” კი 59 ქულა გაუხდა და ალეგრის გუნდმა მე-3 ადგილზე გადაინაცვლა.