UEFA-ს ევროპის ლიგის პლეი-ოფის საპასუხო შეხვედრაში, “არსენალი” “ოლიმპიაკოსს” დაუპირისპირდა. მატჩის ძირითადი დრო “მეთოფეების” მარცხით, ანგარიშით 0:1 დასრულდა. დამატებით დროში, 113-ე წუთზე ობამეიანგმა მასპინძლები დააწინაურა თუმცა 120-ე წუთზე იუსეფ ელ არაბიმ “არსენალის” კარი აიღო და “ოლიმპიაკოსს” მომდევნო ეტაპის საგზური მოუპოვა.
აღსანიშნავია, რომ ობამეიანგს “არსენალის” გადარჩენა დამატებით დროში შეეძლო მაგრამ დაახლოებით 4 მეტრიდან გოლის გატანა ვერ მოახერხა.
“ასეთი რამ ხდება ხოლმე მაგრამ არ ვიცი რა დამემართა, არ ვიცი კარს როგორ ავაცილე. ძალიან დაღლილი ვიყავი თუმცა ეს არ მაძლევს თავის მართლების საშუალებას. თავს ძალიან, ძალიან ცუდად ვგრძნობ”, – აღნიშნა პიერ-ემერიკ ობამეიანგმა.
