საფრანგეთის ღია პირველობის 1/64-ფინალში მსოფლიოს 24-ე ჩოგანმა, ნიკოლოზ ბასილაშვილმა, ამერიკელი მეტოქე, მაქსიმ კრესი (62) 5 სეტში, ანგარიშით 3:6, 2:6, 7:6, 6:4, 6:4 დაამარცხა და ტურნირის 1/32-ფინალში გავიდა.
შეხვედრა 3 საათსა და 22 წუთს გაგრძელდა. ნიკოლოზმა მატჩში 5 ეისი შეასრულა, მისმა მოწინააღმდეგემ კი – 42, ქართველმა ჩოგბურთელმა 7 ორმაგი შეცდომა დაუშვა, ამერიკელმა კი – 19.
მომდევნო ეტაპზე ბასილაშვილის მეტოქე მაკენზი მაკდონალდი (60) იქნება, რომელმაც (60) დღეს ფრანკო აგამენონესთან (156) 4 სეტში იმარჯვა.
როლან გაროსის მოქმედი ჩემპიონი ნოვაკ ჯოკოვიჩია – სერბმა შარშან ფინალში სტეფანოს ციციპასს მოუგო.
