8 თებერვალს საჩოგბურთო სამყაროში ერთგვარი ზეიმი, 2021 წლის პირველი დიდი სლემის ტურნირი, ავსტრალიის ღია პირველობა, იწყება.
ჩოგბურთელები ავსტრალიურ ტურნირში მონაწილეობისათვის სამზადის პერიოდს გადიან, ადაპტაციისათვის ისინი ნაადრევადაც მიემგზავრებიან ავსტრალიაში.
ბრიტანული ჩოგბურთის ერთ-ერთი გამორჩეული ფიგურა ენდი მარი, რომელსაც ტურნირზე მონაწილეობა ფაქტობრივად გადაწყვეტილი ჰქონდა, მელბურნში გაფრენამდე Covid-19-ის ტესტზე შეამოწმეს და მისდა სამწუხაროდ პასუხი დადებითია.
შესაბამისად, 2-გზის უმბლდონის გამარჯვებულის დღის წესრიგში ცვლილებები იქნება, მარი საჩოგბურთო კორტის ნაცვლად კარანტინში გადაინაცვლებს და უდიდესი ალბათობით ავსტრალიის ღია პირველობასაც გამოაკლდება.
