ბილი ჯინ კინგის სახელობის ტურნირზე, რომელსაც პორტუგალიის ქალაქი ოეირასი უმასპინძლებს, საქართველოს ქალ ჩოგბურთელთა ნაკრების მეტოქეთა ვინაობა გახდა ცნობილი.
წილისყრის შედეგად ცნობილი გახდა, რომ საქართველოს ქალ ჩოგბურთელთა ნაკრები B-ჯგუფში იასპარეზებს.
A-ჯგუფი: საბერძნეთი, ისრაელი, ბოსნია&ჰერცეგოვინა, პორტუგალია, მალტა.
B-ჯგუფი: საქართველო, ლიეტუვა, ესტონეთი, ირლანდია, სამხრეთ აფრიკა,კოსოვო.
ქვეჯგუფების ლიდერები I-ჯგუფში გადასასვლელ პლეი-ოფში თამაშის უფლებას მოიპოვებენ, ხოლო ის 2 ნაკრები, რომელიც ყველაზე ცუდ შედეგს დააფიქსირებს გასავარდნ პლეი-აუთს ითამაშებს.
საქართველოს ქალ ჩოგბურთელთა ნაკრებს მაკა ჩახნაშვილი-რანცინგერი უკაპიტნებს. ნაკრები ტურნირზე შემდეგი შემადგენლობით იასპარეზებს: ეკატერინე გორგოძე, სოფია შაფათავა, ნინო ნაცვლიშვილი, ოქსანა კალაშნიკოვა და ნათელა ძალამიძე.
შეგახსენებთ, ბილი ჯინ კინგის ტურნირი 10-16 აპრილს, პორტუგალიის ქალაქ ოეირასში გაიმართება. საქართველოს ქალ ჩოგბურთელთა ნაკრები 11-15 აპრილს იასპარეზებს.
