მარია შარაპოვა – ელენა ოსტაპენკო
გრძელდება ამერიკის ღია პირველობა, სადაც მონაწილეთა რაოდენობა სულ უფრო მცირდება. ქალთა ერთეულთა თანრიგში მესამე რაუნდის შეხვედრაში ერთმანეთს დაუპირისპირდნენ მსოფლიო რეიტინგის 22-ე ნომერი რუსი ჩოგბურთელი მარია შარაპოვა და ახალგაზრდა ლატვიელი, რეიტინგის მე-10 ნომერი ელენა ოსტაპენკო.
მატჩი მარიასა და ოსტაპენკოს შორის საათსა და 24 წუთში, 2 სეტში ანგარიშით – 6:3, 6:2, რუსი ჩოგბურთელის გამარჯვებით დასრულდა. ამერიკის ღია პირველობაზე მარია შესანიშნავად ასპარეზობს, მისი მომდევნო მეტოქე მერვედფინალურ ეტაპზე ესპანელი მსოფლიო რეიტინგის 24-ე ნომერი კარლა სუარეს-ნავარო იქნება.
პეტრა კვიტოვა – არინა საბალენკა
ჩოგბურთის სამყაროს გაოცებას აგრძელებს ახალგაზრდა ბელორუსი არინა საბალენკა, რომელმაც ამერიკის ღია პირველობამდე „ნიუ ჰევენის“ ტურნირი გამარჯვებით დაასრულა.
20 წლის საბალენკა მსოფლიო რეიტინგის მე-20 ნომრამდე აღზევდა, ამერიკის ღია პირველობის დასრულების შემდეგ კი სავარაუდოდ უფრო წინ წაიწევს. მესამე რაუნდის შეხვედრაში მისი მეტოქე მსოფლიო რეიტინგის მე-5 ნომერი პეტრა კვიტოვა იყო, რომელსაც ტოლი არ დაუდო და 2 სეტში ანგარიშით – 5:7, 1:6 დაამარცხა.
ბელორუსი ჩოგბურთელის მომდევნო მეტოქე რეიტინგის მე-19 ნომერი იაპონელი ნაომი ოსაკა იქნება, რომელმაც უკანასკნელი შეხვედრა მშარალად 6:0, 6:0 მოიგო.
