მსოფლიო ჩემპიონატის საკვალიფიკაციო ეტაპზე ბრაზილიის ეროვნულმა ნაკრებმა ზედიზედ მეხუთე მატჩში იმარჯვა. ,,სელესაომ” დღეს ეკვადორს უმასპინძლა და 2:0 დაამარცხა.
პირველ ნახევარში ტიტეს გუნდი უპირატესობას ფლობდა, 42-ე წუთზე მასპინძლებმა გოლიც გაიტანეს, რომელიც თამაშგარის გამო არ ჩაითვალა.
შეხვედრაში ანგარიში 65-ე წუთზე გაიხსნა, თავი რიშარლისონმა გამოიჩინა – ,,ევერტონის” თავდამსხმელმა, ნეიმარის გადაცემით ისარგებლა. მატჩის საბოლოო ანგარიში მსაჯის მიერ კომპენსირებულ დროში ნეიმარმა დააფიქსირა, რომელმაც თერთმეტმეტრიანი ზუსტად შეასრულა.
მუნდიალის შესარჩევი ეტაპის 5 ტურის შემდეგ ბრაზილია ცხრილს უდანაკარგოდ, 15 ქულით ლიდერობს, ეკვადორი კი 9 ქულთ მე-3 ადგილს იკავებს.
მომავალ მატჩს მსოფლიოს 5-გზის ჩემპიონები ოთხშაბათს, 9 ივნისს, პარაგვაის წინააღმდეგ გამართავენ.
მატჩის მიმოხილვა
