მიუნხენის “ბაიერნმა” ახალგაზრდა ამერიკელი ფეხბურთელი, კრის რიჩარდსი $1.5 მილიონად შეიძინა, რასაც ბონუსის სახით $500 000 დაემატება. ამასთან, კონტრაქტში აღნიშნულია, რომ თუკი “ბაიერნი” მომავალში რიჩარდსს გაყიდის, მისი ყოფილი გუნდ, “დალასს” სატრანსფერო თანხის 40% ერგება.
გასულ ზაფხულში “ბაიერნმა” რიჩარდსი იჯარის წესით დაიმატა – ფეხბურთელი გერმანული კლუბის აკადემიას (U19) შეუერთდა, თუმცა მან ძირითად გუნდთან ერთადაც ითამაშა – პოზიციით ცენტრალურმა მცველმა “პარი სენ-ჟერმენისა” და “იუვენტუსის” წინააღმდეგ ითამაშა და კლუბის ხელმძღვანელობას თავი დაამახსოვრა – მან არაერთი საჰაერო დუელი მოიგო და ამასთან, ზუსტი გადაცემებითაც გამოირჩეოდა.
