“მანჩესტერ იუნაიტედის” თავდასხმელმა, მარკუს რეშფორდმა, გუნდთან ახალი, 4-წლიანი კონტრაქტი გააფორმა, რომლის მიხედვითაც, მისი ყოველკვირეული ანაზღაურება £300,000-ს შეადგენს.
გასულ სეზონში, 21 წლის რეშფორდი ყოველკვირეულად £80,000-ს გამოიმუშავებდა, ახლა კი მისი ანაზღაურება პოლ პოგბას შემოსავალს გაუტოლდა.
რეშფორდი მანჩესტერში 2016 წლიდან თამაშობს. ამ პერიოდში ჩატარებულ 170 მატჩში, ახალგაზრდა ინგლისელმა 45 გოლის გატანა და 26 საგოლე პასის გაკეთება შეძლო.
