დავიდ დე ხეამ “მანჩესტერ იუნაიტედთან” კონტრაქტი გაახანგრძლივა. არაერთი გავლენიანი ტაბლოიდის მტკიცებით, ესპანელი კიპერი გუნდის დატოვებასთან იყო ახლოს, თუმცა დე ხეამ სპეკულაციებს კონტრაქტის გახანგრძლივებით დაუსვა წერტილი.
განახლებული კონტრაქტის თანახმად, დავიდ დე ხეა “ოლდ ტრაფორდზე” 2023 წლამდე დარჩება – კონტრაქტის ვადის ამოწურვის შემდეგ კი გაგრძლების შესაძლებლობა ექნება. ესპანელი კიპერი 2011 წლიდან იცავს “მანჩესტერ იუნაიტედის” ღირსებას. ამ დროის მანძილზე, დე ხეამ “წითელი ეშმაკების” მაისური 367 შეხვედრაში მოირგო.
