“დინამო ბათუმმა” ახალი სეზონისთვის შემადგენლობა საგრძნობლად გააძლიერა. გია გეგუჩაძის გუნდმა დღეს ვაგნერ გონსალვეშის, რეინალდოს, გოდფრი ობოაბონასა და ვინისიუსის ტრანსფერები გააოფიციალურა.
გავლენიანი ბრიტანული გამოცემის, Goal.com-ის ყურადღება მიიპყრო ბათუმელთა ნიგერიელმა ახალწვეულმა, ობოაბონამ.
“სუპერ არწივების ცენტრალური მცველი კარიერას “დინამო ბათუმში” გააგრძელებს,” – ნათქვამია სტატიაში.
“მაღალი მიზნებისთვის მებრძოლმა ქართულმა გუნდმა, “დინამო ბათუმმა” გოდფრის ტრანსფერის შესახებ ოფიციალურად განაცხადა.
გია გეგუჩაძის გუნდმა გასული ეროვნული ლიგა მე-2 ადგილზე დაასრულა და ზაფხულში ევროპა ლიგის საკვალიფიკაციო ეტაპზე ითამაშებს,” – ვკითხულობთ Goal.com-ზე.
შეგახსენებთ, რომ 29 წლის გოდფრი ობოაბონას ნიგერიის ნაკრებში 44 მატჩი აქვს ჩატარებული. მან 2013 წელს აფრიკის თასი მოიგო და 2014 წლის მუნდიალზეც ითამაშა.
