,,ჰერტას” ახალწვეულმა, სტევან იოვეტიჩმა, ,,კიოლნთან” ბუნდესლიგის სადებიუტო შეხვედრაში თავი გოლით გამოიჩინა. მონტენეგროელს ახლა გოლი უკვე ევროპის ტოპ 5 ლიგაში აქვს გატანილი, რაც ისტორიაში სულ მეორე შემთხვევაა.
იოვეტიჩმა ფლორინ რედუჩოიუს შედეგი გაიმეორა – რუმინელი 90-იან წლებში სერია ა-ს რამდენიმე გუნდში თამაშობდა, სადაც არაერთი გოლი გაიტანა, გარდა ამისა, შემტევმა გოლების გატანა ლა ლიგაში (ესპანიოლის მაისურით), პრემიერლიგაში (ვესტ ჰემის მაისურით), ბუნდესლიგაში (შტუტგარტის მაისურით) და ლიგა 1-შიც (მონაკოს მაისურით) შეძლო.
რაც შეეხება იოვეტიჩს, 31 წლის ფეხბურთელის ანგარიშზე სერია ა-ში 41 გოლია, პრემიერლიგაში – 8, ლა ლიგაში – 6, ლიგა 1-ში კი – 18.
Stevan Jovetić has scored for Hertha Berlin to become only the second player to score in each of Europe’s top five leagues:
🇮🇹 Serie A
🏴 Premier League
🇪🇸 La Liga
🇫🇷 Ligue 1
🇩🇪 BundesligaOnly he and Florin Răducioiu have managed the feat! 👏 pic.twitter.com/A51KKf1niz
— Footy Accumulators (@FootyAccums) August 15, 2021
