,,ვილიარეალის” გულშემატკივრები გუნდის მთავარი მწვრთნელის, კიკე სეტიენის მუშაობით უკმაყოფილონი არიან.
კვირას ,,ყვითელი წყალქვეშა ნავი” შინ ,,მალიორკასთან” დამარცხდა, რაც გუნდისთვის ზედიზედ მესამე წაგებაა. შეხვედრის ბოლო წუთებში ,,ვილიარეალის” გულშემატკივრები ,,კიკე, წადი-ს” სკანდირებდნენ.
,,მართალია, ხალხი გაბრაზდა და უკმაყოფილება გამოხატა, რადგან ეს თამაში უნდა მოგვეგო და არ გამოგვივიდა. ფეხბურთი ზუსტი მეცნიერება არ არის.
აქ მხოლოდ 8 დღეა ვართ, არც ისე ბევრი ვივარჯიშეთ, რომ სიტუაცია გამოსწორებულიყო. გუნდი მოუმატებს, შესვენება ჩემთვის კარგია,” – განაცხადა სეტიენმა.
კიკე სეტიენი ,,ვილიარეალის” მთავარ მწვრთნელად 25 ოქტომბერს დაინიშნა. მისი ხელმძღვანელობით გუნდმა 4 მატჩი ჩაატარა, 3-ში დამარცხდა, 1 კი ფრედ დასრულდა.
